36-годишен штипјанец успеал да ги добие податоците од дебитната картичка на негов сограѓанин, па во една недела потрошил речиси 100.000 денари, соопшти полицијата.

„СВР Штип поднесе кривична пријава против М.Д. (36) од Штип, поради постоење основи на сомнение за сторено кривично дело „оштетување и неовластено навлегување во компјутерски систем“. Во временски период од 11.02.2025 до 18.02.2025, пријавениот неовластено навлегол во електронскиот систем на трансакциската сметка на С.Д., при што ги прибавил и употребил податоците од дебитна картичка и извршил 14 успешни трансакции на шест продажни места и на банкомати на повеќе локации во Штип, со што се стекнал со противправна имотна корист со вкупен износ од 98.840 денари“, пишува во полициското соопштение.