Штипјанец кој, како што јавуваат локалните медиуми, бил регистриран алкохоличар и поранешен познат угостител, ноќеска ја закла својата 84-годишна мајка.

Убиството го потврдија и од Министерството за внатрешни работи. Според официјалните информации што ги споделија со медиумите, убиството се случило во 2 часот по полноќ во семејниот дом во Штип. Педесет и четиригодишниот штипјанец и нанел убодна рана со остар предмет на возрасната жена која веднаш починала.

– Лекар од Итна медицинска помош констатирал смрт, а по наредба на јавен обвинител телото на починатата било дадено на обдукција. Увид на лице место извршила екипа од СВР Штип под раководство на Јавен обвинител од ОЈО Штип, при што остриот предмет бил пронајден и одземен за понатамошна постапка. По целосно расчистување и документирање на случајот, ќе биде поднесена кривична пријава по итна постапка по член 123 став.2 точка 2 од Кривичниот законик – соопшти МВР.

Осомничениот за убиството бил приведен утрово околу 4 часот.