Српскиот претседател Александар Вучиќ рече дека шпионската афера нема да ги наруши односите меѓу неговата земја и Русија.

– Да не ја заборавиме 2015 година и што Путин направи за нас, како ни што се Русија направи за нас. Србија никогаш не ѝ воведе санкции на Русија, и никогаш не гласаше против Русија. Верувам дека Путин не бил обавестен за ова – рече Вучиќ.

Тој додаде дека Србија нема да ја менува својата политика, и политиката кон НАТО и кон некои други, но ќе ги зацврсти позициите на неутралност и самосталност.

Вучиќ исто така кажа дека е благодарен за ореденот кој го добил од Путин, и дека ќе го вложи и личниот авторитет односите меѓу Србија и Русија да бидат уште подорби.

– Знаејќи како се делиме: за Русите или за Американците, мојата порака е дека сум избран за претседател на Србија и да ги штитам нашите интереси – заклучува Вучиќ.

Разузнавачката афера во јавноста е објавена откако на интернет, а потоа и во медиумите во Србија, беше објавена снимка на која може да се забележи како рускиот разузнавач Георгиј Клебан дава пари на наводен српски агент, чиј идентитет не е откриен.

Автентичноста на снимката, како и тоа дека на неа недвосмислено се гледа рускиот разузнавач Георгиј Клебан, ја потврди Безбедносно-информативната агенција (БИА) на Србија.