Фудбалската федерација на Шпанија денес и официјално го претстави Луис Де Ла Фуенте за нов селектор на „Црвената Фурија“.

Луис Енрике го напушти кормилото на Шпанија по елиминацијата од Мароко во осминафиналето на Мундијалот, а за негов наследник не се чекаше долго време.

Работата на федерацијата и репрезентациите за Де Ла Фуенте не е непозната, тој уште од 2013 година е вработен во федерација како тренер во младинските категории.

„Вратата е отворена за сите фудбалери, ги следиме сите“, порача Де Ла Фуенте.

Исто така тој потврди дека ветеранот Серхио Бускетс ќе продолжи да го носи шпанскиот дрес.

„Има уште многу што да понуди за шпанскиот фудбал, среќен сум што продолжува. Дали ќе биде дел од селекцијата или не, одлуката ќе биде негова“, потенцираше Де Ла Фуенте.