Новиот поглавар на Католичката црква, папата Лав Четиринаесетти, неодамна го презеде кормилото на Ватикан, а неговото семејно стебло е една од најбизарните и најинтересните приказни на годината. Верувале или не, тој е во роднинска врска со Мадона, Џастин Бибер и Анџелина Џоли, пишува „Дејли Мејл“.

Според студија за семејното стебло на папата спроведена од американската емисија „Пронаоѓање на вашите корени“, тој и поп-пејачката Мадона делат заеднички предок роден во 1590 година, преку кого се деветти братучеди. И тоа не е сè.

Во емисијата се тврдеше дека папата Лав е во роднинска врска и со голем број други познати личности, меѓу кои: Џастин Бибер, Анџелина Џоли, Хилари Клинтон, Џастин Трудо и Џек Керуак, американскиот романописец и поет.

Неговото семејно стебло, истражено од експерти од „Американски предци“ и Кубанскиот генеолошки клуб од Мајами, датира од почетокот на 1500-тата и вклучува благородници, сопственици на робови (и бели и црни), поранешни робови и борци за слобода.

Веста предизвика вистински хаос

„Чекајте, папата Лав е навистина роднина со Мадона?! Кралицата на попот и папата?! Ова е врвот“, „Ова е најслучајната работа досега, два сосема различни света“, „Колку далечен роднина? Доволно далеку за да не е чудно или …?“, „Невозможно е“, „Со такви роднини, не е ни чудо што социјалниот календар на папата е преполн“, беа дел од коментарите.

Поранешниот епископ Роберт Франсис Превост неодамна стана Лав Четиринаесетти. Тој е наследник на папата Франциск, кој почина на вториот ден од Велигден годинава.

Новиот папа е Американец роден во 1955 година. Дипломирал математика на Универзитетот Виланова, а потоа магистрирал на теологија на Католичката теолошка унија во Чикаго. Потоа, Превост ги завршил лиценцирањето и докторатот по канонско право во Рим на Папскиот универзитет Свети Тома Аквински (Angelicum). Тој течно зборува пет јазици.

Бил ракоположен за свештеник во 1982 година, а во 1985 година бил испратен како мисионер во Перу, каде што поминал речиси две децении. Таму имал разни пастирски и образовни позиции, вклучувајќи истор, професор и судски викар.

Покрај англискиот јазик, течно зборува шпански, италијански, француски и португалски јазик, а може да чита латински и германски јазик.