Екипата на Далас се соочува со сериозни проблеми со повредени кошаркари, откако претходно останаа без Ентони Дејвис сега до крајот на сезоната ќе бидат и без Кајри Ирвинг.

Повредата Ирвинг ја заработи во натпреварот против Сакраменто (98:122), а прегледите покажаа дека повредата е сериозна, но и се очекуваше бидејќи самиот Ирвинг беше изнесен во солзи од паркетот.

Со тоа што остана без Ирвинг екипата од Тексас сигурно има драстично помали шанси за место во плеј-офот. Во овој момент Далас е на 32 победи и 30 порази на Западот.

Како што сега стојат работите Далас до крајот на сезоната за местото во плеј-офот ќе се бори со Феникс и Портланд, екипи кои во овој момент се зад Маверикс, но сега ќе се обидат да го искористат отсуството на една од главните ѕвезди во Далас.

Kyrie hurt pic.twitter.com/wkDYkSvgXU

— MavsHighlights (@MavsHighlights) March 4, 2025