Кошаркарскиот клуб Барселона доживеа тежок удар пред почетокот на новата сезона во која амбициите се триумф во Евролигата и во шпанската Ендеса лига, бидејќи тешка повреда доживеа најдобриот играч Никола Миротиќ.

„Телеспорт“ објави дека Миротиќ доживеал повреда на ахиловата тетива и се очекува да биде надвор од терените најмалку до крајот на 2022 година.

Шпанските медиуми објавија дека Барселона веднаш го контактирала Крис Синглтон кој освен од каталонскиот тим, има понуда од Зенит, а интерес пројавува и Црвена звезда.

Летово Барселона ги ангажира Јан Весели, Томаш Саторански и српскиот репрезентативец Никола Калиниќ.