На темата Устав, актуелна деновиве, да се потсетиме дека пред точно 50 години, во февруари 1974 година, е изгласан Уставот на тогашната СФРЈ со кој се гарантира телесната автономија и репродуктивните права и слободи. И не, не е ова никаква носталгија по минати времиња, туку поттик да размислиме за сегашноста и фактот дека некои битки мораме постојано да ги водиме и освојуваме, напиша пратеничката Санела Шкриељ на својот Фејсбук профил.

„Уште еден јубилеј одбележуваме годинава, 80 години од одржувањето на првата конститутивна конференција на Антифашистичкиот фронт на жени на Македонија. Нема да коментирам дали доследно одиме по патот на нашите мајки и баби, антифашистки, само ќе повторам – треба да станеме свесни за фактот дека не сакаме назад, туку дека можеме само напред и напред. Слава на борките кои се изборија за права кои ние ги имаме денес! Тоа наследство не смееме да го заборавиме ни да го изневериме“.