Заради топлотниот бран кој ја зафати северна Калифорнија, школките на тоа подрачје се варат до смрт јавува Си-Ен-Ен.

-Кога се приближив на теренот, веднаш видов стотина мртви школки, изјави биологот Џеки Соунс од природниот резерват Боденг Мартин Резерв и додаде дека подоцна открила дека се работи за многу поголем размер на помор и дека досега има на десетина илјади мртви школки покрај брегот на северна Калифорнија.

Кога Соунс се приближила на брегот видела дека многу школки се отворени. Кога школките се живи и здрави тие се затворени, но кога угинуваат се отвораат.

Калифорнија доживеа рекорден топлотен бран во јуни со температури кои на места достигнуваа и 38 Целзиусови степени.