Oд редовите на Шкендија денеска потврдија дека се разделуваат со Валон Ахмеди кој го завршува својот втор мандат во клубот од Тетово.

Заминувањето на Ахмеди е изненадување затоа што во актуелната сезона важеше за еден од најважните фудбалери на тетовскиот клуб и во есенскиот дел од сезоната собра 13 настапи.

Во Шкендија пристигна од Шахтјор Солигорск во текот на летото, а претходно го носеше дресот на клубот од 2020 до 2021 година.

Засега не е познато каде Ахмеди ќе ја продолжи кариерата.