Најновото засилување на Вардар, Васко Шеваљевиќ е оптимист дека „црвено-црните“ ќе слават на неделниот натпревар против унгарскиот Пик Сегед. Црногорскиот репрезентативец открива дека на сред тренинг дознале оти натпреварот со Флеснбург е одложен поради строгите правила поврзани со коронавирусот на германската влада.

– Трениравме, се подготвувавме за Фленсбург и буквално, на пола тренинг стигна вест дека и тој натпревар е откажан. Во меѓувреме моравме веднаш да се префрлиме и да се подготвуваме за Пик Сегед. Таква е годината, се случуваат такви проблеми, но тоа е, за нас професионалците најважно е да играме и да си ја работиме својата работа. Во недела не чека тој дуел со Пик Сегед, нормално Вардар мора да оди на два бода, игра дома. Гледавме неколку видеа, имаме уште два дена да се подготвиме. Се работи за врвна, квалитетна екипа, на секоја позиција со два одлични играча, го негува тој шпански стил на ракомет, добро позната на сите кои следат ЛШ. Ете има и некое ривалство меѓу Вардар и Пик Сегед, што ќе го направи овој натпревар уште поинтересен. Моите очекувања се да одиме на победа и на два бода – смета Шеваљевиќ.

Фото: РК Вардар 1961