Шест раси на кучиња кои најмногу се митарат
Ако сакате да чувате куче, но не сте љубител на кучешки влакна низ вашиот дом, постојат одредени раси што треба да ги избегнувате.
Препорачано
-
1
-
2
-
3
Иако сите кучиња се митарат и треба да се четкаат без разлика дали имаат долго или кратко крзно, познато е дека на некои раси повеќе им паѓаат влакната во текот на целата година, па затоа не се идеални за сопствениците кои немаат доволно време за секојдневно одржување и чистене на сопствениот дом.
Ова се шесте раси кои најмногу се митарат според експертите.
Лабрадор
Лабрадорите се една од расите кои имаат двослојно крзно, поради што можат да издржат неповолни временски услови. Сепак, тоа значи дека тие се митарат во текот на целата година. Како и повеќето кучиња, тие најмногу се митарат во пролет и есен за да се подготват за новата сезона.
Акита
Како и Лабрадорите, Акита се митари во текот на годината, а најмногу му паѓаат влакна за време на преминот од пролет во лето и од есен во зима. Кучињата од расата Акита се поголеми кучиња, што им отежнува на некои сопственици да се грижат за нивното крзно.
Далматинец
Иако имаат кратко и густо крзно, Далматинците се митарат во текот на целата година. Ако се грижите за чистотата на вашиот дом и немате време за секојдневно чистење со правосмукалка, ова можеби не е идеалната раса за вас.
Чау чау
Ако размислувате да земете Чау чау, подгответе се за секојдневно четкање, особено за време на сезоната на митарењее. Овие кучиња имаат густо и долго крзно, а за време на сезоната на митарење им опаѓаат три до четири пати повеќе влакна од вообичаеното.
Германски овчар
Германските овчари, исто така, имаат двојно крзно, што значи дека паѓаат во текот на целата година. Но, за разлика од Чау чау, кои бараат четкање речиси секој ден, германските овчари треба да се четкаат три до четирипати неделно.
Сибирски хаски
Последни на листата се сибирските хаски, кои најдобро се снаоѓаат во постудените клими. Со цел да преживеат неповолни услови, хаските имаат дебел подвлакно што паѓа секојдневно. Најмногу се митарат за време на преодните периоди, но тоа зависи и од климата во која се наоѓаат.
