Тренерот Рубен Аморим му дал „зелено светло“ на англискиот фудбалски клуб Манчестер јунајтед да продаде шест играчи за да ја финансиска својата реконструкција на тимот ова лето, објави „Мирор“.

Шефот на Јунајтед изјавил дек клубот ќе треба да продава за да купува и се чини дека ги одбрал играчите од кои сака да се раздели.

Ова е списокот на фудбалери кои се очекува да бидат на продажба ова лето:

– Маркус Рашфорд, на позајмица во Астон Вила
– Џејдон Санчо, на позајмица во Челси
– Антони, на позајмица во Реал Бетис
– Тајрел Маласија, на позајмица во ПСВ Ајндховен
– Касемиро
– Алехандро Гарначо

Кога сме кај можното купување, истиот извор пишува дека Манчестер јунајтед ќе се обиде за 40 милиони фунти да го ангажира Виктор Осимен, напаѓачот кој моментно е на позајмица во Галатасарај од Наполи.

Јунајтед има проблеми во нападот, постигна само 36 голови сезонава во Премиер лигата и учинокот на Расмус Хојлунд и Џошуа Зиркзе не е доволен.