Шер (78) неодамна објави мемоари, „The Memoir (Part One)“, во кои зборува за најтемните фази од нејзиниот живот, вклучувајќи го и нејзиниот бурен брак со покојниот пејач и политичар. Сони Боно и Шер беа во брак од 1964 до 1975 година, а соработуваа и во бизнисот.

Двојката се запознала во 1962 година, по што издале албум наречен „Look at Us“, кој постигнал голем успех. Во еден момент тие имаа дури пет песни на топ 50 листата на Билборд.

„Ми ги зеде сите пари. Си мислев: Ние сме маж и жена. Половина од работите се негови, а половина се мои. Не ми падна на памет дека има друг начин“, открила пејачката.

„Би сакала да го прашам: „Сони, во кој момент одлучи дека можеш да ми ги земеш сите пари?“, изјавила таа. Според неа, тој ѝ забранил да се дружи со другарките, а ја обвинил за своите измами.

Таа напишала дека во еден момент била толку несреќна што размислувала да скокне од балконот на хотелската соба во Лас Вегас.

„Едно утро се разбудив рано, мислам дека беше околу пет часот и само си помислив: Веќе нема да го правам ова. Ќе го оставам“, откри таа и додаде: „Тишината меѓу нас беше страшна“.

Но, Боно тоа го дозволи под еден услов. Морала, како што пишува во своите мемоари, да продолжи да живее со него во текот на неделата за да го задржи својот имиџ во јавноста.

Во мај оваа година Шер во шоуто на Џенифер Хадсон откри дека морала повторно да го изгради своето богатство откако ги изгубила сите пари.

„Во одреден момент ги изгубив сите пари што ги заработив, па морав да почнам од нула и навистина не знаев што ќе правам за да ги издржувам моите деца“, рече Шер.

Шер истакна дека не и било секогаш лесно во музичката индустрија и дека морала да надмине неколку пречки за да остане на сцената. Но, додаде дека верува дека среќата одиграла голема улога во нејзината долга музичка кариера.

„Имам среќа. Навистина имам среќа затоа што мислам дека не е доволно да се биде талентиран за да се биде во нашиот бизнис, мора да имаш среќа. Ова го кажувам затоа што познавам луѓе кои знаат да пеат, но тие немаа среќа“, рече Шер.