По чоколадниот ролат (ако сте го пропуштиле, прочитајте – ТУКА), специјално подготвен за читателите на „Слободен печат“ од нашиот омилен шеф – Бранко Попоски, продолжуваме со втор предлог на празнично мени, рецепт за полнети златни шампињони со ориз, моцарела и пармезан, и како додаток чварки и беби рукола.

Потребни состојки:
✅ 800 гр златни шампињони
✅ 1 филџан ориз
✅ 1 кромид
✅ 1 чешне лук
✅ 50 мл доматен сос
✅ Зачини по вкус (сол, бибер, мајчина душичка)
✅ 200 гр моцарела
✅ 150 гр пармезан

За бел сос:
✅ 200 мл млеко
✅ 2 големи лажици брашно
✅ 50 гр путер

За додаток:
✅ Чварки
✅  беби рукола

Начин на подготовка:
Исецкајте ги ситно кромидот и лукот и запржете ги. Додадете го оризот, убаво промешајте и потоа додадете жешка вода околу 4 филџани иста големина со која претходно сте го мереле оризот. Пред да го вадите од оган, истурете 50 мл доматен сос. Печурките убаво измијте ги, од внатрешноста поставете моцарела парчиња, додадете го претходно зготвениот ориз и на крај парчињата од пармезан.

Вклучете ја рерната на 180 степени, печете околу 20 минути.

Пред да ги ставите да се печат, додадете и маслиново масло, сол, бибер и мајчина душичка.

15 минути пред вадење од оган, подгответе бел сос со брашно, путер и млеко. Растопете го путерот, додадете две лажици брашно, мешајте сè додека не почне брашното да се пени и да добива румена боја. Потоа, додадете го постепено млекото со мешање, и мешајте сѐ додека не се згусне смесата.

Сервирајте со топка чварки и беби рукола.

На здравје!

Шеф Бранко ви посакува да бидете здрави и добри човечки битија во Новата 2021 година.

Утре, на порталот Слободен печат, шеф Бранко ќе ни покаже како се готви пченкарна пита со спанаќ и домашно пченкарно брашно. 

.