Актуелниот македонски фудбалски шампион Струга Трим Лум ги стартуваше подготовките за пролетниот дел од сезоната. Играчите предводени од тренерот Шпетим Дуро се моментно водечки на табелата во Првата македонска лига со 39 бодови, на второто место е Шкупи со 38, а трета е Шкендија со 35.

Екипата на Струга Трим Лум го одржа првиот тренинг. Првакот ќе остане во Струга до 19 јануари, додека од 20 јануари до 3 февруари ќе се подготвува во Анталија, Турција, каде исто така ќе ја темпира формата.

Во Анталија се планирани четири натпревари против странски клубови, а наскоро ќе се дознаат имињата на ривалите со кои ќе се тестира.

Последната етапа пред почетокот на пролетната сезона повторно ќе се одржи во Струга каде тимот се враќа на 4 февруари, додека во периодот 9-10 февруари се планира да се одржи генералниот натпревар пред официјално да се врати на првенствените дуели.

На првиот собир на тимот во 2024 година присуствуваа и претседателот Арбтрим Ќира и спортскиот директор Бесарт Исаку кои се очекува да размислуваат за новите засилувања кои реално нема да ги има многу, бидејќи стручниот штаб верува во имињата што ги има во составот и кои во првите 18 кола испаднаа најдобри.