Серија тепачки кои потекнале од детски кавги се случиле вчера во скопското село Мирковци, соопшти МВР.

Денеска (26.10.2022) во 00.30 часот во Полициското одделение Мирковци, Р.З.(32) од Скопје пријавил дека околу 15.30 часот во с.Мирковци, скопско, неговиот малолетен син и негов другар биле физички нападнати од две лица, се вели во соопштението од МВР, во кое е направен значителен напор да се објаснат сложените настани од изминатата ноќ во селото:

„Според пријавеното, малолетниците најпрвин имале расправија со друг малолетник од селото, по што со возило дошло едно лице и физички го нападнало синот на Р.З. и со возилото го однело во домот на малолетникот од с.Мирковци, каде физички го нападнал и неговиот татко. Како што пријавил Р.З., потоа таткото на малолетникот од Мирковци, го пресретнал и физички го нападнал и малолетниот другар на неговиот син“, објаснуваат од полицијата.

Се преземаат мерки за расчистување на случајот.