Со презентација на писмени докази во Кривичниот суд продолжи рочиштето за предметот „Трист“ на СЈО, во кој е обвинет поранешниот помошник министер за внатрешни работи Ѓоко Поповски за злоупотреба на службена должност при набавката на 300 возила за потребите на МВР.

Обвинителот Стевчо Донев ги презентира сите документи од МВР кои се однесуваат на наводно незаконската набавка.

Судијката Добрила Кацарска во мај минатата година го осуди Поповски на девет години затворска казна за злоупотреба на службената должност, а во декември минатата година Апелација ја укина првостепената пресуда за случајот и го врати на повторно судење.

Според обвинението на СЈО, Поповски не ги почитувал законските прописи за јавна набавка и го оштетил буџетот 453.570 евра.