Српскиот актер Сергеј Трифуновиќ вчера добил парична казна од 500 евра затоа што се движел со своето куче без поводник и навредувал полицаец на плажата Каштелет во Сплит, Хрватска.

Покрај казната од 500 евра, Трифуновиќ морал да плати и 50 евра за судски трошоци.

Трифуновиќ вчера попладне пливал со својот германски овчар на градската плажа Каштелет во Сплит. Ова им пречело на капачите, кои случајно се нашле таму, па еден од нив повикал полиција.

Откако полицијата пристигнала на плажата, констатирала дека кучето е без надзор, а кога Трифуновиќ почнал да ги навредува, го однеле во полициска станица.

Против него е поднесена кривична пријава за нарушување на јавниот ред и мир и е изведен на суд каде што е казнет.

Трифуновиќ доцна вечерта го напуштил судот незадоволен од казната. Тој тврдел дека го пријавила жена која, наводно, се плаши од кучиња, а на плажата немало никаков знак за забрана за кучиња.

„Брат, отидов да пливам со кучето. Некоја луда жена ме пријавила, затоа што претпоставувам дека се исплашила од кучето. Потоа ме праша и зошто кучето не е на поводник. Па, како ќе биде кога плива со мене во морето? И некои други глупости. Не можам повеќе да зборувам, нервите ми се…“, изјавил актерот за „Слободна Далмација“.