Тенисерката Серена Вилијамс ја продава својата вила во Беверли Хилс за 7,5 милиони долари, луксузен имот што го купи во 2017 година за милион и пол долари помалку.

Куќата на тенисерката се простира на парцела од околу 1000 квадратни метри и се наоѓа во посебна населба во која можат да бидат само сопствениците на домови и нивните најавени гости. Луксузната вила има пет спални соби и пет бањи, а балконот нуди фантастичен поглед кон Лос Анџелес.

 

View this post on Instagram

 

A post shared by Serena Williams (@serenawilliams)

Вилата е опремена со многу луксузни детали, па како дел од пространата кујна има застаклена визба за вино со посебна температура во просторијата. Сите работни површини во кујната се во темен мермер, а има и бар, теретана и базен.

Надворешноста на вилата на Серена во Беверли Хилс е во шпански стил, како и многу куќи во Јужна Калифорнија, а во градината покрај базенот има неколку тераси, потоа трпезарија на отворено, како и специјално одржани зелени површини.

Внатрешноста на куќата е изработена според желбите на тенисерката, а просториите се полни со светлина, бидејќи тие имаат големи застаклени површини, со бели ѕидови, а подовите се изработени од дабово дрво.