Семејството на Миле Тодоров кој во четвртокот исчезна, бара посериозна истрага за негово пронаоѓање.

– Зошто секогаш мора да се молиме, зошто мора да чекаме, зошто народот да ве потсетува што треба да сторите? Се работи за младо 28-годишно момче, веќе пет дена е исчезнат, без трага и глас. Дали е е изгубен, дали е заробен, дали е исплашен, дали му е ладно, бидејќи нам ни е многу студено без него. Ве замолувам потрагата да биде засилена од ваша страна бидејќи роднините, родителите, пријателите по цели денови и ноќи трагаат низ местото каде еп оследно виден, но сами не можеме да направиме ништо – апелира роднина на исчезнатиот Миле.

Исчезнатото момче во полиција го пријавил неговиот татко.

– На 30.01.2025 во 18.00 часот во Полициска станица Неготино, Д.Т.(60) од Неготино, пријавил дека од семејниот дом се оддалечил неговиот син М.Т.(28), кој имал здравствени проблеми. Се преземаат мерки за пронаоѓање на лицето – соопшти МВР.

Сестрата на Миле во изјава за Фокус вели дека станува збор за одговорна личност, млад спортист, вработен, и семејството вели дека никогаш во минатото не се случило вакво нешто.

-Брат ми вчера замина на работа во Кавадарци, облечен во работничка опрема, со црн елек врз палтото. Висок човек е, со спортска градба. Од она кое го знаеме, му кажал на газдата на компанијата во која работи дека дава оставка, разговарал смирено, а потоа заминал и веќе не знаеме ништо за него – изјави во петокот неговата сестра.

Миле последен пат бил забележан во Марена, на 30 јануари, околу 10:30 часот. Облечен е во работничко одело,бело палто и црн елек.

Исчезна 28-годишниот Миле Тодоров од Неготино