Српскиот новинар Марко Љубимировиќ повикувајќи се на свои извори денеска ексклузивно најави дека Никола Јокиќ донел одлука да игра за Србија на Олимиските игри, но за жал на нашите соседи селекторот Светислав Пешиќ брзо демантираше.

Пешиќ не кажа дека Јокиќ нема да игра, туку порача дека се уште не се знае. Таква беше изјавата и на Јокиќ по елиминацијата на Денвер во плеј-офот од Минесота пред неколку дена.

Во изјава за „Б92“, Пешиќ кратко одговори дека станува збор за лажни вести.

„Новинар на твитер објави лажни вести. Кога ќе дојде време ќе ги знаете точните информации“, изјави Пешиќ.

По ваквата изјава на Пешиќ Србите и понатаму се во неизвесност за настапот на нивниот најдобар кошаркар кој не не настапи на последното Светско првенство.