Еден начин да се подобри задоволството и издржливоста за време на сексот е да се воведат јога пози. Ова ќе внесе нови работи во вашиот сексуален живот, а ќе има и придобивки за вашето здравје. На овој начин се ослободува тензијата, но се практикува и флексибилноста.

Исто така, за време на јогата се истегнуваат одредени мускулни групи, што позитивно влијае на отстранување на насобраната напнатост, па дури и болка. Дополнително, јогата ја подобрува циркулацијата на крвта, што може да ја зголеми сексуалната функција и задоволството, пишува „Н1“.

Јога пози за време на секс:

Прасарита Падотанасана (широкo наведнување напред)

За време на оваа поза, жената стои со раширени нозе и се наведнува напред во половината. Оваа поза ја зголемува флексибилноста и овозможува подлабокa пенетрација за време на сексуалниот однос.

Ананда Баласана (среќно бебе)

Лежејќи на грб, жената ги свиткува колената кон градите и ги држи стапалата или глуждовите со рацете. Оваа поза најмногу ја зголемува флексибилноста на колкот.

Буџангасана (ниска кобра)

За оваа јога поза, женatа лежи со лицето надолу и го крева горниот дел од телото користејќи ги мускулите на грбот. Оваа поза ги зајакнува мускулите на грбот и може да го подобри вашето држење за време на сексот.

Марџаријасана-Битиласана (мачка-крава)

За оваа поза, жената се потпира на сите четири и во ритам вдишување-издишување го наведнува грбот нагоре и го спушта стомакот надолу. Оваа јога поза за време на секс ја подобрува флексибилноста на ‘рбетот и помага во одржување на ритамот за време на сексуалниот однос.

Баласана (поза на дете)

Во детска поза, жената е свртена со лицето надолу, колената ѝ се раширени на подот, а рацете и се испружени. Оваа поза ги релаксира основните мускули додека ги истегнува мускулите на грбот.

Кога ги изведувате сите овие пози за време на сексот, потребна е претпазливост за да се избегне повреда. Ако чувствувате болка, одморете се и обидете се повторно, а ако непријатноста продолжува, прекинете ја позата. Исто така, неопходно е да се практикува јога на други начини за да се има одредена доза на флексибилност и издржливост.