Министерството за земјоделство во Србија започна со изработка на Предлог-закон за благосостојба на животните, со кој заштитата на животните, како важен дел од одржливиот развој, значително ќе се подобри. Оттаму наведуваат дека ваквото законско решение се надоградува на постојната законска рамка, ги елиминира забележаните недостатоци и го усогласува законодавството со правото на Европската Унија, во оваа област.

Со цел заштита на животните и подобрување на безбедноста на храната, новиот закон предвидува обврска секоја кланица да има вработено лице кое е одговорно за благосостојбата на животните.

Друга клучна новина е примената на стандардни процедури во сите фази од одгледувањето на животните, со цел да се поштедат од болка, стрес, страв и страдање.