Париз / EPA-EFE/IAN LANGSDON

Секој втор жител на ЕУ се жали на економската состојба

Економската состојба во Европската Унија како „лоша“ ја оцениле нешто повеќе од една половина од жителите на ЕУ, опфатени со новото испитување на агенцијата Евробарометар.
Позитивната перцепција за европската економија е намалена за 5 отсто од почетокот на оваа година и сега е падната под границата од 50 отсто. Едвај секој трет жител опфатен со испитувањето смета дека состојбата во националната економија е „позитивна“.

Мнозинството граѓани, 53 отсто, очекуваат дополнително да се влоши економската ситуација во наредните 12 месеци. Повеќе од три четвртини изјавиле дека презеле мерки за штедење енергија, а уште повеќе (87 отсто) сметаат дека ЕУ треба да инвестира во обновливи енергии и да ја намали зависноста од рускиот гас.

Што се однесува до војната во Украина, 92 отсто граѓани ја поддржуваат хуманитарната помош на ЕУ за Украинците, 78 отсто ги поддржуваат санкциите против Русија, но само 68 отсто ја поддржуваат воената поддршка за силите на Киев.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот