Ако некогаш сте се обиделе да погодите нечиј хороскопски знак врз основа на изгледот, еве еден совет – изгледот на една личност се „крие“ во хороскопскиот подзнак, пишува „Сенса“.

Се разбира, изгледот на луѓето не може да се поврзе само со хороскопскиот знак, односно подзнак, но интересно е да се набљудува начинот на кој астрологијата може да се поврзе со физичките карактеристики.

Овен

Луѓето со подзнак Овен се познати по својата атлетска градба, младолик изглед и изразени црти на лицето. Може да имаат црвеникава коса и/или руменило на кожата. Овој знак е, исто така, донекаде склон кон несреќи, па може да има лузни или видливи повреди на телото.

Бик

Вашиот подзнак во Бик природно ви ја носи земјената, лежерна енергија на Бикот. Обично имате потемни црти, како што се кафени очи и темна, кадрава коса. Со Бикот владее Венера, планетата на љубовта и убавината, па затоа луѓето Бикови обично се доста привлечни.

Близнаци

Луѓето со подзнак Близнаци може да се забележат по нивната експресивност, како и по формата на лицето, кое е типично издолжено. Тие имаат жив начин на зборување, користат многу гестикулации, имаат блескави очи и ентузијазам во фацијалните експресии.

Рак

Луѓето со подзнак Рак имаат тенденција да ја имитираат Месечината (која владее со овој знак) и имаат тркалезно и меко лице. Очите им се често заоблени и длабоки, а овој подзнак е познат и по тоа што има нагласен граден кош, без разлика дали се работи за широки гради кај мажите или поголеми гради кај жените.

Лав

Луѓето со подзнак Лав можеби најлесно се забележуваат поради нивната „лавовска грива“, односно густата коса. Одат со крената глава, што зрачи со самодоверба, а оставаат благороден впечаток карактеристичен за Лавот.

Девица

Кога станува збор за луѓето со подзнак Девица, тоа се учтиви и префинети. Имаат суптилна убавина која се карактеризира со едноставен и елегантен стил на облекување, фризура итн. Познати се и по тоа што се пониски и имаат помеки црти на лицето.

Вага

Вториот знак со кој владее Венера, заедно со Бикот, е Вагата. Вагите, исто како и Биковите, обично се конвенционално привлечни, со слатки црти како дупчиња на лицето, напучени усни и грациозност. Тие се познати и по нивното симетрично лице и шарм.

Скорпија

Ако никогаш не сте слушнале за „погледот на Скорпијата“, личноста со подзнак Скорпија има способност да погледне право во вашата душа. Тоа е еден од начините брзо да ги препознаете, покрај нивната темна коса и очи, сериозен израз и мускулесто тело.

Стрелец

Луѓето со подзнак во Стрелец се познати по нивните отворени и експресивни лица, со големи насмевки. Овие луѓе, исто така, имаат тенденција да бидат атлетски градени и високи, со особено долги раце и нозе.

Јарец

Многу лесно можете да ги помешате луѓето со подзнак Девица и подзнак Јарец бидејќи и двата хороскопски подзнаци се потпираат на префинето и елегантно чувство за стил. Јарците делуваат зрело, па дури и сериозно, и обично имаат мали, но дефинирани црти на лицето. Тие се познати и по нивната темна, права коса.

Водолија

Ако луѓето со подзнак Лав најлесно се забележуваат, Водолиите се зад нив. Со типично поголемото чело и уште поголемите очи, тие делуваат прилично вонземски. Тие се и типично ексцентрични, што обично го покажуваат со нивниот креативен стил на облекување.

Риба

Рибите имаат сонлив изглед, со заоблени очи и долги трепки кои ја откриваат длабочината на нивната душа. Тие се грациозни, нежни, па дури и чудни, со етеричен начин на носење. Познати се и по тоа што обично се ситни.