Наместо новогодишни пакетчиња за деца, здружението „Проект среќа“ почнува акција, со која секој граѓанин ќе може да му испрати пакет со храна на некое семејство.

Од Здружението сметаат дека оваа Нова година е поразлична од сите досега, бидејќи огромен број семејства нема да можат да си дозволат храна на своите трпези за празниците.

– Секој од вас, кој сака да испрати храна за новогодишните празници за некое семејство, нека ни пише нам, а ние ќе му дадеме адреса каде да се прати пакетот, на кое семејство и на која адреса. Сметаме дека ова е сепак приоритет оваа година, која се надеваме дека ќе ја испратиме, и ќе дочекаме посреќна Нова година – велат од „Проект среќа“.