Седмата поетска епизода на „Култура Бета“ е посветена на Скопје
Во рамките на мултимедијалниот фестивал „Арт Ареа / Артерија“ на 17 септември, од 21.30 часот, во кафе-книжарницата „Буква“ ќе се случи седмото издание на „Поетска епизода“ во организација на неформалното здружение за култура „Култура Бета“.
Препорачано
-
1
-
2
-
3
Епизодата е посветена на поетика на градот Скопје, неговата издржливост, солидарност и љубов. Ќе настапат поетите Иван Џепароски, Васил Ханџиски, Никола Маџиров, Биљана Стојановска и Васко Марковски. На настанот ќе бидат прикажани и четири поетски филмови за Скопје инспирирани од поезијата на Ивана Јовановска, Владимир Мартиновски, Јулијана Величковска и Андреј Ал-Асади.
Поетските филмови се во режија на Марија Шаклева, Сандра Ѓоргиева и Диме Данов, а настанаа како дел од проектот „Стиховно мапирање на Скопје“ на издавачката куќа „ПНВ Публикации“. Настанот ќе го модерираат младите поети Андреј Медиќ Лазаревски и Ивана Јовановска.
Оваа епизода е поддржана од фестивалот „Арт Ареа / Артерија“, издавачката куќа „Бегемот“, „Јуроп хаус Скопје, кафе-книжарницата „Буква“ и издавачката куќа „ПНВ Публикации“.
(Текстот е објавен во „Културен печат“ број 196, во печатеното издание на весникот „Слободен печат“ на 16-17.9.2023)
