Браковите сѐ почесто завршуваат со развод, а истовремено опаѓа и бројот на новосклучени бракови и раѓања, покажуваат најновите податоци на Државниот завод за статистика.

Во последниот квартал од 2024 година биле регистрирани 601 развод, што е зголемување од 23,9% во споредба со истиот период лани. Истовремено, бројот на склучени бракови опаднал за 14,7%, со вкупно 2.430 бракови.

Покрај браковите, статистиката покажува и пад на бројот на раѓања. Во истиот период се родени 3.968 деца, што е намалување од 4,2% во однос на претходната година. Бројот на починати изнесува 5.174 лица, што резултира со негативен природен прираст од -1.206.

Овие трендови укажуваат на сериозни демографски промени, кои во иднина може да имаат значајни социоекономски последици за земјата.