Емили Дамари, Британка со израелско потекло, која беше киднапирана од Хамас на 7 октомври 2023 година и беше ослободена вчера, како дел од договорот за прекин на огнот во Газа, денеска во објава на Инстаграм рече дека се чувствува многу среќна што се вратила дома.

Во својата објава со црна позадина, Дамари пишува „љубов, љубов, љубов“ и се заблагодарува на Бога, нејзиното семејство и „најдобрите пријатели“ што ги има на овој свет.

Според преводот на објавата, изгледа дека 28-годишната жена денеска имала можност да види како нејзините сонародници и светот воопшто реагирале на нејзиното ослободување.

„Ми го исполнивте срцето со емоции. Ви благодарам. Јас сум најсреќната жена на светот само затоа што постојам“.

אמילי ועוד עשר הלאה
איזה אלופה
אישה חזקה
לא רואה בעיניים תותחית
איזה כיף שאת בבית יאללה
אין ריגוש כזה pic.twitter.com/a0rpNDsGjM

— Lior Berkovic (@lior_berkovic98) January 20, 2025

На фотографиите од неа вчера, Емили – која беше 15 месеци држена како заложник во Газа – се гледа со едната рака во завои и без два прста, но навидум добро расположена.

Девојчето беше застрелано во раката и рането од шрапнел во ногата пред 15 месеци кога киднаперите ја киднапираа од нејзиниот дом во Кибуц Кфар Аза во нападот на 7 октомври.

Откако и ги врзале очите, вооружени лица на Хамас ја врзале за задниот дел од нејзиниот автомобил и ја однеле во Газа.

Таа порасна во Лондон и е навивачка на фудбалскиот тим Тотенхем Хотспур.