Министерството за економија по денешната средба со мелничарите донесе одлука за укинување на забраната за извоз на брашно, откако мелничарите убедија дека земјава има доволно залихи.

Министерот Крешник Бектеши, рече дека одлуката за извоз на брашно веќе се подготвува, а се очекува да биде донесена на следната владина седница.

-Согласно сите податоци, мелничката индустрија работи одлично во моментов. Се отвора простор да ја измениме одлуката за забрана за извоз на брашното која беше воведена поради вонредната состојба, рече Бектеши и додаде дека во моментов немаме проблеми со снабдување со брашно, ниту покачување на цените.