Директорот на Бирото за јавна безбедност Александар Јанев денес во Генералштабот на Армијата остварил работна средба со началникот на Генералштабот на Армијата, генерал-мајор Сашко Лафчиски, соопштија од кабинетот на Јанев.

„Разговаравме за унапредување на соработката меѓу Бирото за јавна безбедност и Армијата, со акцент на градењето институционална отпорност, поддршка на НАТО капацитетите, како и заедничките активности во областа на граничната безбедност, управувањето со кризи и обуките.“, вели директорот Јанев.

Тој во соопштението нагласува дека „само преку континуирана и конструктивна соработка ќе придонесеме за уште поголема безбедност и стабилност на нашата држава“.