
Се самоуби поранешен српски олимпиец
Поранешниот репрезентативец во боб на САД и на Србија, Павле Јовановиќ, вчера се самоубил на 43 години.
Препорачано
Трагедијата ја откри неговиот поранешен колега од репрезентацијата на САД, Стив Меслер.
„Не можам да поверувам дека ова го пишувам за тебе. „Мојата лична легенда, човекот кој постави стандарди за концентрација, посветеност и труд трагично си пресуди на 43 години.
Пав беше најдобриот колега кој може да го имате. Знаеше дека вашиот успех е и негов успех. На тоа ме учеше, ме учеше да водам сметка како моите колеги спијат, дали правилно се хранат, дали терапијата им е добра, каква им е работната етика во теретана и зад затворени врати…
Токму тој ме учеше колку е важно да сте психички здрав, и не само поради животот, туку и за да бидете успешен во спортот. Што се случува кога личноста која е најпозната по тоа дали е 150 отсто сконцентрирана или ништо, сфати дека баш тоа ништо е тоа на кое е 150 отсто сконцентрирана. Павле беше крал, беше стандард“, објави Меслер.
Јовановиќ на Светското првенство во 2004 година со американскиот боб тим го освои бронзениот медас, а учествуваше и на ЗОИ во Торино 2006 година, за од 2011 година да започне да настапува за Србија.