Бањите во Србија станаа вистинска атракција во последните неколку години. Домашните, но и странските туристи сакаат да ги посетуваат овие места, а причина за тоа, покрај лековитите својства, се чистиот воздух и прекрасната природа. Друга предност на бањите во Србија се многу прифатливите цени за сместување. Луковска бања е една од бањите во Србија која има голем број лековити извори, пишува Каматица.рс.

Оваа бања се наоѓа на југот на Србија на источните падини на Копаоник, а од Белград е оддалечена 300 километри. Оваа бања во Србија бележи сè поголем број посети бидејќи ноќевања во непосредна близина на бањата може да се најдат за цена од само 5 евра.

Сијаринска бања е една од најевтините бањи во Србија, во оваа бања има оглас каде сместувањето е достапно за само 300 динари по лице за една ноќ.

Сијаринска бања е единствена во Европа со термални извори со топла вода. Ноќевање во овој спа-центар може да се најде по многу поволни цени.

Иако бањата „Прибој“ сè уште не го искористила целиот свој потенцијал, сепак е на добар пат да се искачи на врвот по посетеност, особено по цената на сместувањето, која започнува од 1.000 динари за две лица. Бањата Прибој е на 280 километри од Белград.

Се наоѓа на југозапад од Србија, во централниот дел на општината Прибој, по која го добила своето име, а лежи на речиси 550 метри надморска височина, опкружена со планини и е една од најубавите бањи во Србија. Цените за сместување почнуваат од 1.000 динари, колку што чини едно ноќевање во двокреветна соба за две лица, со поглед на прекрасната природа од големата тераса. Делукс собите, како што ги опишуваат сопствениците во овој спа-центар, чинат неколку евра повеќе. Поточно, двокреветна соба може да се изнајми за 15 евра, но за тие пари туристите можат да добијат и соба за рекреација и затворен базен.