Доаѓањето на Сер Џим Ретклиф во Манчестер Јунајтед може да доведе до одредени промени во раководната структура. Како што пренесува „Гардијан“, се очекува неговото доаѓање и купувањето на 25 отсто од акциите на клубот да бидат официјализирани веќе во понеделник.

Не само што се очекува да го преземе управувањето со фудбалскиот сектор на клубот, туку ќе инвестира и дополнителни 280 милиони евра за подобрување на инфраструктурата.

Воедно доаѓањето на сопственикот на „Инеос“ секако ќе предизвика одредени промени. Се верува дека Ретклиф сака да го подобри првенствено фудбалскиот сектор и особено скаут службата, па тројца директори би можеле да останат без работа.

Во последните години клубот имаше многу неуспеси на фудбалскиот трансфер пазар, а целта на Ретклиф ќе биде да ја стабилизира ситуацијата на тоа поле.

Се верува дека тој нема да му даде отказ на менаџерот Ерик тен Хаг и покрај тоа што тимот од почетокот на сезоната веќе забележа девет порази во сите натпреварувања.