Деновиве започна реконструкција на улицата 1558 во населба Радишани, а како што најавуваат од Општина Бутел градежната офанзива ќе продолжи во населбата со обновување и на улиците Симче Настевски, Киро Димишков и улицата Боро Кралевски со нејзините краци.

Ова се практично главните сообраќајници во населба Радишани. Покрај тоа започнува и изградбата на мега паркот и плоштад токму на потегот над улицата 1558 на површина од над 10 илјади м2 – информира градоначалникот Дарко Костовски.

Тој вели дека оваа сообраќајница повеќе од 40 години не била реконструирана, што е евидентно од состојбата во која во моментов се наоѓа.

Проектот се реализира во соработка со Министерството за транспорт и врски.