Времето пред празникот на Сите светци значи работа од утро до мрак за цвеќарите од северот на Хрватска, кои обезбедуваат 80 отсто од домашниот пазар. И додека цвеќињата во продавниците се за 30 отсто поскапи од лани, тие не ги покачија цените. Во градот Царговец кај Вараждин, цвеќарите велат дека и покрај сè потешките услови за производство, нивните цени за купувачите не се зголемуваат, пренесува ХРТ. Тие не ги менуваат цените од минатата година само поради лојалноста на нивните клиенти. Ова е навистина посебна гранка од земјоделството, полна со предизвици и навистина не е лесно да се преживее во овој бизнис. И покрај тоа што мразот ги заобиколи годинава, цвеќарите ги забележуваат последиците од климатските промени.

„Прво имаше високи температури, па дожд. Цветањето е одложено за една или две недели. Ајде, сега се отвораат, минатата недела беше навистина убаво време“, рече производителот на цвеќиња Ивица Рог.

Поради понапорното производство, хризантемите се продаваат за 10 евра, додека мултифлората е половина од цената, а со тоа и повеќе се бара, објави Н1.