Мотивите за ангажман во политиката очигледно биле на ниво на личен пазар, е ставот на СДСМ во однос на приклучувањето на архитектот и професор Мишко Ралев во тимот на кандидатот на ВМРО-ДПМНЕ за Скопје, актуелниот градоначалник на Кисела Вода, Орце Ѓорѓиевски.

„Дилови со Орце Ѓорѓиевски, кој е клaсичен избор на партиската олигархија на ВМРО-ДПМНЕ ние нема зошто да толкуваме. Може само да констатираме дека за жал станува очигледно дека мотивите за неговиот ангажман во политиката биле на ниво на личен пазар“, велат од СДСМ.

Мишко Ралев беше еден од можните кандидати на СДСМ при изборот за кандидат за градоначалник на Град Скопје и високо котираше на внатрепартиските анкети, но сепак Социјалдемократите одлучија да трчаат со Каја Шукова за Скопје.

Ралев е декан на Факултетот за архитектура и дизајн при Универзитетот Американ Колеџ Скопје и поранешен претседател на Асоцијацијата на архитекти на Македонија. Тој беше член на Извршниот одбор на СДСМ за време на лидерството на Димитар Ковачевски.

Мишко Ралев ја менува страната – архитектот се приклучува на тимот на Орце Ѓорѓиевски