СДСМ бара итно разрешување на Каролина Симоновска – директорка на Клиниката за респираторни заболувања кај децата – „Козле“ откако таа избрка од работа докторка специјалист по бронхоскопија со 27 години стаж.

Целото функционирање на единствениот Оддел за бронхоскопија во државата, кој се наоѓа на Клиниката во „Козле“, е доведено во прашање после 40 години поради Симоновска а штетата е и за децата и за вработените. Последен е случајот со докторката Јосифова. Со 27 годиишно искуство оваа врвна докторка дрско е избркана од работа и оставена на улица, само затоа што се борела за детски живот. Посветена, искусна лекарка, која што загрижена за здравје на дете присуствувала при успешна лекарска интервенција Симовска ја брка. Ова е мобинг од невидени размери и класична неправда озоможена од ДПМНЕ. Па добро кој ќе ги лечи децата? Имате ли грам осет вие дека деца ќе нема кој да лечи? Или партијата ви е пред детските животи?, прашуваат од СДСМ.

ДОКУМЕНТИ | Каролина Симоновска, директорка на детската болница „Козле“ отпушти од работа докторка специјалист за бронхоскопија со 27 години искуство, за време на боледување

Оттаму додаваат дека за овие драматично лоши состојби како и за однесувањето на Симоновска веќе алармирале.

Но, очигледно власта ја штити. Врвни специјализирани доктори за бронхоскопија, водејќи се од морална и етичка свест, веќе си дадоа оставки поради скандалозното однесување на Симоновска. На клиниката има и проблеми со неопходни „баскет“ апарати и други материјали. Своеволието на Симоновска уништува многу животи а загрозува детски животи. Здравјето на децата нема цена и нема партиска припадност. Симовска мора веднаш да биде разрешена, посочуваат од партијата.

ВИДЕО | Сопругот на избрканата докторка од Козле се соочи со Таравари: Жена ми остана без работа!