Од СДСМ очекуваат еврокомесарката за проширување Марта Кос да го истакне она што ЕУ самата го има потврдено во сите документи и сите договори, а тоа е дека македонскиот јазик и идентитет се целосно признати од Унијата.

„Ова е неспорен факт, ние како граѓани на Македонија знаеме кои сме, што сме и од каде потекнуваме. Како јазикот, така и идентитетот се јасно потврдени во сите веќе потпишани договори со ЕУ. Не сметаме дека еврокомесарката имаша лоша намера, но апелираме кога се говори за чуствителни прашања и теми кои за жал непотребно се отвораат иако се јасно затворени, треба да се биде внимателен во изјавите“ соопштија од опозициската партија.

Лидерот на СДСМ, Венко Филипче по вчерашната средба со еврокомесарката Кос, повика на внатрешен консензус меѓу сите политички чинители во државата со цел да се дефинира начинот на кој ќе се соработува за земјава да го продолжи евроинтегративниот процес.

Филипче повика на внатрешен консензус: Не е време за калкулации, ни за ситнопратиски интереси