Мицкоски ја промашил емисијата. По количината на изнесени лаги, изгледа мислел дека се работи за „само лаги” наместо „Само вистина”, реагираат од СДСМ на гостувањето на лидерот на ВМРО-ДПМНЕ, Христијан Мицкоски на ТВ Канал 5.

– По којзнае кој пат Мицкоски покажа дека не го интересира ниту здравјето, ниту интересите на граѓаните, ниту интересите на државата. Негов единствен интерес е да ги брани криминалците во редовите на ВМРО-ДПМНЕ и да дејствува по нарачките од Будимпешта во бесконечни обиди да го закочи напредокот на државата и затоа шири лажни вести и дезинформации каде ќестигне. Мицкоски глуми загриженост за јавното здравје, а организира јавни собири на кои масовно се кршат мерките за заштита од коронавирусот. Глуми загриженост за стандардот на граѓаните, а се противи на сите мерки што значат повеќе пари во домашните буџети, порачуваат од владеачката партија.