СДСМ се огласи по повод изјавата на Христијан Мицкоски дека дел од трговците се служат со трикови за т.н. „новогодишна кошничка“ и дека ги зголемуваат цените на производите.

„Целосниот дебакл на мерката наречена „новогодишна кошничка“ е резултат на измамата која ја подготви Мицкоски заедно со трговците. СДСМ на ова јасно предупредуваше и ја разоткри шемата уште кога тој со трговците на маса ја подготвуваше. Токму со амин на Мицкоски, трговците ги качија цените и треба конечно да престане да ги лаже граѓаните. Касно е за префрлање на вината. Сега треба да признае дека тој е автор на оваа огромна кражба на граѓаните во маркетите и дека во договор со трговците е дојдено до оваа ситација. Тој ги остави намерно и непречено да ги качуваат цените со месеци пред да стапи на сила мерката. А, кога стапи на сила мерката, цените само се качија, а не се намалија. СДСМ со месеци укажува на тоа дека Мицкоски и Владата заедно со трговците кројат план и сега тој план конечно се потврди. За ова Мицкоски мора политички да одговара“, велат од опозициската партија.

„Какви робусни акции, какви глупости најавува Мицкоски, кога досега не спроведе ништо? По свадба – тапани. Пред само три дена министрите од неговата влада беа во маркетите и лажеа дека цените се намалени. Сега ќе побара ли Мицкоски одговорност од нив?