СДСМ: Ахмети треба конечно да излезе од националистичкиот филм
Претседателот на ДУИ, Али Ахмети треба конечно да излезе од националистичкиот филм. Неговата реториката за постојаното подгревање на етнички тензии како алатка за политичко делување се неприфатливи и опасни за земјата. Таквите политики и филмови со воени униформи се несоодветни провокации за кои нема место во нашето мултиетничко општество, велат од политичката партија СДСМ.
Препорачано
Од СДСМ велат дека, се неприфатливи намерните етнички провокации на ДУИ, кои прераснаа во единствена стратегија на партијата.
– ДУИ да не заборава дека Албанците во оваа држава сакаат мир, стабилност и добри меѓуетнички односи. Кога ДУИ го обвинува СДСМ за албанофобија да не заборава дека во Извршниот одбор на СДСМ има Албанци и значителен број на Албанци гласаат за нашата партија – додаваат оттаму.
Со своето делување, од СДСМ велат дека Ахмети и ДУИ му овозможуваат на ВМРО-ДПМНЕ дополнително да ја подгрева меѓуетничката ситуација во земјата и политички да профитира.
– Иако ДУИ и ВМРО-ДПМНЕ јавно се осудуваат меѓу себе, нивната неформална соработка е повеќе од очигледна. Граѓаните видоа заеднички гласања во Собранието, а врв беше скандалозно пуштање на Артан Груби надвор од земјата, слободно преку границата – порачаа од партијата.
ДУИ со воинствено видео: Ахмети досега не изгубил ниедна војна
