Пратеничката од Коалицијата Можеме, Санела Шкријељ вечерва на ТВ21 истакна дека се согласува со критиките на амбасадорот Дејвид Гир околу употребата на европското знаменце, но објасни и зошто тоа се прави.

Според нејзината изјава, опозицијата постојатно блокира, а пратениците имаат граѓанска должност да сторат сѐшто можат да го тргнат тоа, затоа што како што рече, била битна одговорноста што пратениците ја зеле пред граѓаните.

„Меѓутоа пак ќе се навратам на тоа што го кажав претходно, вие имате ситуација кога треба да поминете мерки или закони кои што е неспорно дека е за добробит на граѓаните, имате опозицијата која блокира на секаков можен начин, вие имате обврска како владејачко мнозинство да направите се што можете за да го поминете тоа, затоа што сте ја преземале таа одговорност од граѓаните“, вели Шкријељ.

Таа вели дека тие се платени од граѓаните да сработат нешто, а не да блокираат.