Кошаркарската репрезентација на Црна Гора ги заврши настапите на Евробаскетот веќе по групната фаза, откако во решавачкиот натпревар од групата „Б“ неочекувано загуби од Велика Британија со 89-83.

Иако во последното коло влегоа со јасна предност и сè им беше во свои раце, црногорските кошаркари разочараа токму кога најмногу се очекуваше од нив. Наместо борба за повисок пласман, следуваше рано пакување куферите и заминување дома.

Британците, кои досега немаа забележано ниту една победа, одиграа без притисок, но со голема желба и концентрација, особено во клучните моменти. Сето тоа резултираше со победа која не само што ја исфрли Црна Гора од понатамошната фаза, туку и ја отвори вратата на Шведска, која благодарение на подобриот меѓусебен скор, патува во елиминациите.

Никола Вучевиќ блескаше со 31 поен и 11 скока, но неговиот индивидуален настап остана во сенка на колективниот неуспех. Кај Велика Британија најрасположен за игра беше Хесон, кој запиша 25 поени и ја предводеше својата селекција до првата и голема победа на турнирот.