Бугарија е вториот најголем пазар за грчко узо во светот. Само Германците пијат повеќе од овој традиционален грчки пијалак од Бугарите, објави БГНЕС. Узото останува водечки алкохол во Грција. Најголем извозен пазар за овој пијалак е Германија, која „пие“ 43% од грчкиот извоз. Бугарија е на второ место со 20,3%, а трет е Ирак со 19,8%.
Грчката федерација на производители на жестоки пијалаци (СЕАОП) објави дека 71,2% од сите алкохолни пијалаци произведени во земјата се извезуваат, а вкупната вредност на извозот е нешто повеќе од 90 милиони евра.