Берењето вишни во подрачјето на општина Мерошина во Србија е при крај, цената се зголеми од 200 динари за килограм на 300 динари- ппишува Н1.рс.

Според Хрансилав Стојановиќ, стручен соработник за земјоделство во општина Мерошина, бербата ќе биде завршена до викендот, бидејќи 90 проценти од растенијата се веќе собрани. По неколку години, како што рече, овоштарите се задоволни од откупната цена, бидејќи на почетокот на бербата била 200 динари за килограм, а потоа се зголемила на 280 динари кај откупувачите и 300 динари во фрижидерите.

„Оваа година имаше берачи ама немаше вишни, односно ги имаше малку. Имаше само од два до пет килограми по дрво“, изјави Стојановиќ за Бета.

Тој додаде дека во споредба со минатата година, која беше многу лоша, овогодишната берба е преполовена поради мраз и ниски температури во периодот на цветање.

Според него, и покрај високите трошоци за берба, бидејќи берачите бараат од 40 до 60 динари за килограм, овоштарите во чии овоштарници родила вишната ќе можат да ги покријат трошоците за преработка и заштита на овоштарниците.

Поради ниските откупни цени во изминатите години и затворањето на ладилникот „Воќар“ во Мерошин, каде што се преработувал поголемиот дел од родот, голем број овоштарници биле напуштени и се проценува дека сега има вишни на површина помала од 500 хектари.