Министерот за Внатрешни работи на Италија, Матео Салвини, потпиша указ за протерување на Албанец од Косово, оценувајќи го како опасен. Веста ја објави самиот министер Салвини на Фејсбук.

Станува збор за 43-годишник со иницијалите М.М., кој е обвинет дека е припадник на исламистичка група што се смета за опасна за државната безбедност, пренесува Балканвеб.

„Денеска го потпишав указот за протерување на 43-годишниот Косовец М.М., жител на Сиена, член на една исламистичка група која се смета за опасна за безбедноста на земјата“, напиша министерот на Фејсбук, додавајќи: „Надвор од Италија за секој што сака да ни донесе војна дома“.