Иако ја знаеме како една од најпознатите холивудски актерки, Салма Хајек не е многу горда на сите свои улоги… Како што откри во интервју за „Гардијан“, постои една улога за која посакува никогаш да не се случела.

Долготрајна кариера како онаа на Хајек природно е да има и неколку промашувања, но филмот за кој Хајек отворено вели дека жали што го направил е „Еверли“ од 2014 година.

„Не сакам да зборувам за тоа. Не е она што мислев дека ќе биде. Сакам да исчезне“, рече актерката коментирајќи го филмот во кој ја игра главната улога.

Филмот „Еверли“, во режија на Џо Линч, ја следи приказната за жена контролирана од суров криминален шеф, која, кога одлучува да избега и да го заштити своето семејство, станува негова главна цел.

Филмот беше оценет со ниска оценка 5,1 на IMDB, а еден од истакнатите критичари, Џефри Мекнаб, коментираше дека филмот е „клаустрофобично искуство, во кое човечкиот интерес опаѓа исто толку брзо колку што се зголемува бројот на жртви“.