Еден од водечките светски брендови во својата класа, „Сајнолоџи“ (Synology), во соработка со „A&S Adria Security Summit“, организира голем саем во Скопје посветен на најновите ИТ решенија во областа на сајбер безбедноста и системите за видео надзор.

Настанот ќе се одржи на 8 и 9 октомври во хотел „Александар Палас“, каде што на едно место ќе се соберат врвни експерти и компании од оваа индустрија.

„Сајнолоџи“ (www.synology.com) во оваа прилика ќе ги претстави своите решенија за заштита и за управување со податоци, системи за виртуелизација на сервери како и систем за видео надзор базиран на ИП камери, велат од компанијата.

На штандот на „Сајнолоџи“ (број.72) ќе биде присутен и официјалниот дистрибутер за Македонија, „ЈВСНет“ (www.jvsnet.com.mk), со што посетителите ќе имаат дополнителна можност да се запознаат со хардверските и софтверските решенија, технички можности, начини на имплементација како и поддршка. Притоа, компаниите ќе имаат можност и за проширување на соработката на локалниот пазар.

„Сајнолоџи“ ги повикува сите заинтересирани компании, кои имаат интерес за овие области, да го посетат саемот и да се уверат во огромните можности кои ги нуди брендот, а експертскиот тим на компанијата ќе биде на располагање и ќе пружа секаков вид на потребни информации, поврзани со решенијата на „Сајнолоџи“.

Од компанијата велат дека се тука за насоки и за совети поврзани за понатамошна соработка на секакво ниво.

Повеќе детали за настанот на официјалната страна нa организаторот: www.adriasecuritysummit.com.